Gjykata lë në burg ish drejtorin e rrugeve Dashamir Xhika

Gjykata e Elbasanit ka dhënë masën “arrest me burg” për ish drejtorin  e Autoritetit Rrugor Shqiptar i cili vjen nga rradhët e LSI Dashamir Xhika.

Xhika u arrestua dy ditë më parë me akuzën e shpërdorimit të detyrës dhe korrupsion.

Sipas prokurorisë ish-zyrtari i ARRSH i shkaktoi një dëm shetit prej 5 miliardë lekësh pasi abuzoi me fondet e rrugës Elbasan-Gjinar.

“Dashamir Xhika, i cili ka ushtruar detyrën e Drejtorit të Përgjithshëm të ARRSH-së në periudhën tetor 2013-shtator 2017, i dyshuar për kryerjen e veprës penale të ‘Shpërdorim të detyrës’ të parashikuar nga neni 248 i Kodit Penal”, thuhej në urdhrin e arrestit të lëshuar nga Gjykata për Dashamir Xhikën më 1 shkurt.

Përveç Xhikës mëngjesin e 2 shkurtit u arrestuan edhe 5 personat e tjerë.

Prokuroria e Elbasanit kërkoi masës e sigurisë “arrest me burg” edhe për shtetasit Andi Toma (ish-drejtor i Përgjithshëm i Rrugëve nga viti 2008-2013) i cili vjen nga rradhët e PD, Rexhep Tarba (mbikëqyrësi i punimeve në rrugën e Gjinarit), Agron Hysën, Kujtim Hysën përfaqësuesit e firmës së ndërtimit të rrugës, ndërsa u kërkua masa  arrest shtëpie për Rezarta Bokçiu.

Ndërkohë procesi gjyqësor për këta persona e përmedur më lartë po vijon ende në Gjykatën e Elbasanit.