Gjyqi ndaj Frrokut, arrestohet në sallën e gjyqit ish-gardisti, dha dëshmi të rreme

Është aratuar në sallën e gjyqit ish-gardisti Ylli Memia i cili akuzohet për dëshmi të rreme në gjyqin që po zhvillohet ndaj Arben Frrokut, të akuzuar për vrasjen e ish-komisarit Dritan Lamaj.

Memia është vënë në pranga për dëshmi të rreme në seancën me dyer të mbyllura që zhvillohej paraditen e sotme në Gjykatën e Krimeve të Rënda.

Dëshmia e ish-gardistit është kërkuar pasi emri i tij është përmendur nga dëshmitari i mbrojtur nga drejtësia, Arben Ndoka, pasi sipas këtij të fundit ai ka qenë personi i parë që ka kontaktuar përmes telefonit pasi ka parë Arben Frroku të vrasë Dritan Lamajn, por faktet e rrëfyera nga Memia kanë qenë të kundërta me ato të treguara nga dëshmitari i mbrojtur.