Grabiten pensionet e komunës, arrestohet 18 vjeçari

Policia e Sarandës ka arrestuar një 18-vjeçar, që dyshohet se ka vjedhur lekët që do shpërndaheshin për pensionet.

Burime policore konfirmojnë se i arrestuari me inicialet A. Q. ka grabitur, i maskuar dhe nën kërcënimin e armës, një shumë prej 150 mijë lekësh të reja, të cilat ishin për pensionet e komunës dhe që po transportoheshin për t’iu shpërndarë pensionistëve.

Grabitjen 18 vjeçari e ka realizuar duke përdorur armën e zjarrit, pasi ka qëlluar në ajër duke ndaluar automjetin tip “Toyota” me targa AA 882 BL nën drejtimin e punonjësit të postës Sali Baba 52 vjeç.  Ngjarja ka ndodhur mbrëmë rreth orës 20:30 në rrugën Kalasë-Tatzat në Sarandë, ndërsa në pranga ka rënë 18 vjeçari me iniciale A.Q.