Greqi : Panik nga vonesa e pagesës së pensioneve
Pensionet që paguhen nga fondet shtetërore greke dhe Fondacioni i Sigurimeve Sociale (IKA) u paguan vetëm në minutën e fundit të afatit kohor duke shkaktuar panik në radhët e qytetarëve grekë.
Sipas gazetës greke ”Kathimerini” paratë u disbursuan në llogaritë bankare të pensionistëve minutën e fundit në ndërkohë që pensionistët ishin shqetësuar tej mase pasi nuk mundën t’i merrnin paratë nga bankomatët ditën e caktuar.
Ministri Alternat i Sigurisë Sociale, Dhimitris Stratulis ia atribuoi vonesën një problemi teknik duke thënë se sistemi ndërbankar nuk kishte qenë në gjendje të përditësonte menjëherë llogaritë bankare të pensionistëve.
Edhe pse dita e pagesës ishte zyrtaisht dita e mërkurë, shumë pensionistë iu drejtuan të martën ATM-ve pasi zakonisht pensioni i tyre depozitohet një ditë më parë.
Pamundësia e tyre për të marrë paratë si edhe deklaratat e qeverisë për mungesë likuiditeti shkaktuan panikun e radhës.
Sipas sistemit bankar grek të pagesave, asnjë pension nuk mund të merret në bankomat përpara se të gjitha pensionet të depozitohen në banka dhe ato të kenë kryer inspektimet e tyre rutinë.
