Gulen për gazetën gjermane: Jam i sigurt se Erdogan qëndron pas puçit në Turqi
Kleriku mysliman me bazë në ShBA, Fethullah Gulen, të cilin autoritetet turke e akuzojnë për orkestrimin e puçit të dështuar në muajin korrik, ka thënë sot për gazetën gjermane Die Zeit se ai është i sigurt se presidenti turk, Rexhep Taip Erdogan, qëndron pas puçit.
Gulen ka thënë në një intervistë për Die Zeit se tentim puçi ushtarak i ka tradhtuar principet e Qeverisë turk dhe lëvizjes së tij globale të quajtur “Hizmet”, transmeton Express. Ai përmendi komentet e Erdoganit se puçi i 15 korrikut ishte një dhuratë nga Zoti sepse do të lejonte ushtrinë që të pastrohej.
E kur u pyet nëse po sugjeronte se Erdogan qëndron pas puçit, Gulen tha: “Deri tani vetëm mendoja se kjo ishte një mundësi. Por, tani mendoj se kjo gjë është e sigurt.” Ai nuk e ka pranuar se dikur ka qenë mik i afërt i Erdoganit, duke thënë se e ka takuar vetëm disa herë para se ai të bëhej kryeministër në vitin 2003. “As miqtë e mi e as unë nuk kemi qenë të afërt me Erdoganin, edhe nëse kjo gjë pohohet tani,” tha ai
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.