Hahn: BE i pranon vendet që s’kanë probleme rajonale

Procesi i nënshkrimit të MSA do të përmbyllet shumë shpejtë dhe efekti i saj pritet të shihet në maj, ndërkaq BE do të vazhdojë të luaj rol të rëndësishëm në përkrahjen e Kosovës.

Kështu ka thënë komisioneri i Bashkimit Evropian për Politikë të Fqinjësisë Evropiane dhe Negocim për Zgjerimit, Johannes Hahn në një konferencë të përbashkët për media me kryeministrin e vendit, Isa Mustafa.

Ai tha se reformat ekonomike janë prioritet numër një, ndërsa sipas tij, migrimi e bënë të qartë nevojën e investimeve në Kosovë për të krijuar vende pune.

Në këtë konferencë Kosova do të jetë pjesëmarrëse në konferencën e 25 marsit për transportin që organizohet nga Gjermania dhe Franca.

Hahn thotë se BE i pranon vendet e reja nëse çështjet rajonale zgjidhen dhe varen nga ato se sa shpejtë arrijnë një gjë të tillë.

Kryeministri Mustafa thotë se së shpejti presin nënshkrimin e MSA, dhe do të angazhohen në përmbushjen e kritereve për liberalizim të vizave.

Kryeministri Mustafa tha se nuk e din se kur Lista Serbe do të vazhdojë të jetë e pranishme në parlament, por pret bashkëpunim për të zgjidhur të gjitha problemet që kanë të bëjnë me komunitetet.