Europa

Hollande-Merkel: BE rol gjithëpërfshirës në marrëveshjen ruso-ukrainase të gazit

hollande-merkelBashkimi Evropian do të luajë rolin e tij gjithëpërfshirës për të lehtësuar marrëveshjen e arritur dje në mbrëmje në Bruksel për zgjidhjen e përkohshme të konfliktit të gazit mes Rusisë dhe Ukrainës, theksoi presidenti francez, Francois Hollande dhe kancelarja gjermane, Angela Merkel.

Sipas një komunikate të publikuar nga Elysee, François Hollande dhe Angela Merkel u takuan në mbrëmje me presidentët Vladimir Putin dhe Petro Poroshenko.
Katër zyrtarët përshëndetën përfundimin e negociatave për livrimet e gazit rus në Ukrainë, ndërmarrë në sajë të ndërmjetësimit të Bashkimit Evropian.

“Hollande dhe Merkel theksuan se Bashkimi Evropian do të luajë rol gjithëpërfshirës në bashkëpunim me partnerët e saj (SHBA, anëtarët e G7, FMN) për të lehtësuar zbatimin e marrëveshjes së arritur”, vijon komunikata.

Përveç të tjerave, presidenti francez, Hollande dhe kancelarja gjermane Merkel nënvizuan rëndësinë e zbatimit të plotë të protokollit të Minskut të 5 shtatorit 2014, në kuadër të një zgjidhjeje politike afatgjatë të krizës aktuale në lindje të Ukrainës dhe uruan fillimin e dialogut kombëtar mes autoriteteve ukrainase dhe separatistëve.

Një marrëveshje që mundëson garantimin e livrimit të gazit rus në Ukrainë deri në muajin mars të vitit 2015 u nënshkrua dje në mbrëmje në Bruksel nga Rusia, Ukraina dhe Bashkimi Evropian, theksuan gazetarët.

Marrëveshja u nënshkrua nga ministrat e Energjisë së dy vendeve, rusi, Alexander Novak dhe ukrainasi, Juri Prodan dhe nga komisioneri evropian për Energjinë, Gunther Oettinger

Related Articles

Leave a Reply

Your email address will not be published. Required fields are marked *

Shiko gjithashtu
Close
Back to top button