Hollande: Prania e ushtarëve rusë në Ukrainë është e patolerueshme

 Presidenti francez, François Hollande, vlerësoi sot se prania e ushtarëve rus në lindje të Ukrains do të jetë e patolerueshme dhe e papranueshme, gjatë një fjalimi të mbajtur para ambasadorëve francez të mbledhur në Paris.

“Nëse vërtetohet se ushtarët rusë janë të pranishëm në terrenin ukrainas, kjo do të jetë e papranueshme dhe e patolerueshme”, deklaroi Hollande, duke i kërkuar Rusisë të respektojë sovranitetin e Ukrainës dhe të heqë dorë nga mbështetja e separatistëve.

“Konflikti në Ukrainë është një prej krizave më të rënda që prej përfundimit të luftës së ftohtë. Kjo vë në rrezik parimet mbi të cilat mbështetet siguria jonë e përbashkët e themeluar që prej përfundimit të luftës së ftohtë”, theksoi presidenti francez.

Kievi njoftoi të hënën kapjen e disa ushtarëve rus në territorin e saj. Një burim në ministrinë ruse të Mbrojtjes garantoi se këta ushtarë kishin kaluar kufirin aksidentalisht. Shtëpia e Bardhë i dënoi këto ndërhyrje ushtarake që përbëjnë sipas asaj një përshkallëzim të ndjeshëm të konfliktit në lindje të Ukrainës.