I penduari i Ndraghetës zbulon lidhjet e drogës me politikanin shqiptar

Një i penduar i drejtësisë italiane ka zbuluar lidhjet e tij me politikën shqiptare gjatë rrëfimit të tij.

Italiani me origjinë kalabreze Luciano Nocera, i akuzuar për vrasje dhe trafik droge është bërë bashkëpunëtor i Prokurorisë italiane kundër organizatës mafioze në të cilën ai ka bërë pjesë, e cila njihet në itali dhe ndërkombëtarisht si “Ndrangheta”.

I penduari i grupit kriminal “Ndrangheta” në Itali, Luciano Nocera tregon lidhjet e trafikut të drogës me Shqipërinë duke përmendur gjatë dëshmisë së tij edhe përfshirjen e një politikani shqiptar, para se të ndërroheshin qeveritë në Shqipëri dhe të digjeshin plantacionet e kanabisit. Gjatë dëshmisë së tij ai tregon sesi i ka dërguar politikanit në fjalë një makinë tip “BMW” që të kalonte kanabisin nga Shqipëria në Itali.

“I dhurova një BMW një politikani shqiptar, i cili më dhe ‘ekskluzivitetin’ e tregtimit të drogës”, thuhet në Corriere Della Sera, gazetën e përditshme italiane.

Ai ka folur për lidhjen e tij me Ndraghetën, ritet e “shenjtërimit” si dhe lidhjet e tyre në rajon.

“Shisnim drogën në Zvicër për 55 mijë franga, por kemi patur lidhje kudo”, ka thënë Nocera. Më tej Nocera ka përmendur edhe lidhjen me Shqipërinë për biznesin e drogës.

Në gazetë nuk thuhet emri i politikanit shqiptar, por flitet për vitet pas 2008.