Integrimi në BE, Hoxha në Pragë: Qytetarët dhe bizneset drejt përfitimeve të prekshme në rrugën e anëtarësimit

Për ministrin e Jashtëm Ferit Hoxha më date 26 maj kur do mbahet Konferenca Ndërqeveritare Shqipëri-BE, do të vendosen pikat përmbyllëse të grup kapitullit të parë.

“Konferenca do të konfirmojë përmbushjen e piketave të ndërmjetme nga Shqipëria dhe do të vendosë piketat përmbyllëse për Grupkapitullin 1 –Themeloret. Procesi i anëtarësimit në BE mbetet përparësia jonë kryesore kombëtare”, është shprehur ai.

Hoxha thekson se zgjerimi i BE-së ka qenë gjithmonë një investim në sigurinë dhe qëndrueshmërinë e Evropës.

“Sot, kjo është bërë një imperativ. Kjo është arsyeja pse ne mbështesim dhe përqafojmë integrimin gradual, qasjen “akses para anëtarësimit”, ku ndërsa i afrohemi anëtarësimit në BE deri në vitin 2030, qytetarët dhe bizneset tashmë mund të ndiejnë përgjatë rrugës, përfitimet e prekshme të integrimit“.

Deklaratat ai i beri nga forumit GLOBSEC në Pragë ku mori pjesë në një panel mbi zgjerimin dhe trendet aktuale në Europë.