Interesat e bonove të thesarit, të qëndrueshme

Në ankandin e fundit të zhvilluar në Bankën e Shqipërisë, bonot me maturim 12 mujor u emetuan me një interes mesatar të ponderuar prej 3.6%.

Sipas eksperteve te Bankës së Shqipërisë, interesat kanë lëvizuar me rritje të ngadalësur duke ruajtur norma të qëndrueshme. Që nga fillimi i vitit, interesi i bonove 6 mujore është rritur me 0.1 pikë përqindje.

Rritja e interesave të bonove erdhi pasi ato prekën vlerat më të ulëta historike në gjysmën e dytë të vitit 2014. Bankat investuan me shumicë likuiditetet e lira në bono, edhe në mungesë të alternativave të shumta të financimit për sektorin privat.