IQT gjobit 14 subjekte abuzuese, spekuluan me cilësinë e karburanteve

IQT (Inspektorati Qendror Teknik) në përfundim të kontrolleve për karburantet gjatë muajit tetor në pikat e tregtimit me pakicë në të gjithë vendin, vendosi masën e gjobës për 14 subjekte, që u gjetën me shkelje të standarteve të cilësisë së tregtimit.
Sipas IQT-së, gjobat e vendosura variojnë nga 150.000-200.000 lekë.
Krahas tyre, edhe Drejtoria e Inspektimit të Paisjeve nën Presion (DPNP) vendosi për parregullsi masën e gjobës ndaj një subjekti në vlerën 200.000 lekë.
Edhe Drejtoria e inspektimit të Pajisjeve dhe instalimeve Elektrike (DIPIE) gjobiti gjatë muajit tetor 10 subjekte në shumat që variojnë nga 10.000-100.000 lekë.
IQT do të vijojë kontrollet në të gjithë vendin, thanë burimet e saj.