Europa

Papunësia dhe pabarazia në qendër të shqetësimeve të Forumit Ekonomik Botëror

forumPapunësia dhe pabarazitë në rritje mes të pasurve dhe të varfërve do të jenë në qendër të shqetësimeve të drejtuesve botërorë për vitin 2015, sipas studimit të përvitshëm të titulluar ”Outlook mbi axhendën botërore”, publikuar sot nga Forumi Ekonomik Botëror, selia e të cilit ndodhet në Gjenevë.

Këto shqetësime bëjnë pjesë në dy vendet e para të një liste me 10 tendencat kryesore të pritshme në vitin 2015 nga liderët botërorë, pyetur nga Forumi.

Forumi ekonomik botëror organizon çdo vit në muajin janar Forumin e Davosit, takim i përvitshëm i elitës ekonomike dhe politikës botërore.

Në total, 1 800 ekspertë të forumit janë pyetur për shqetësimet e drejtuesve gjatë 12-18 muajve.

Vitin e kaluar, dy shqetësimet kryesore të drejtuesve ishin tensionet në Siri dhe në Afrikën e Veriut si dhe diferenca mes të pasurve dhe të varfërve.

“Rëndësia e pabarazisë dhe papunësia kryesojnë listën këtë vit dhe tregojnë se këto shqetësime janë rënduar në raport me vitet e mëparshme”, theksoi Forumi.

Ekspertët zbulojnë gjithashtu se dy tendenca janë shfaqur në këtë studim të përvitshëm për herë të parë që prej fillimit ët këtij studimi në vitin 2010. Bëhet fjalë për rritjen e konkurencës gjeostrategjike, si tensionet në rritje mes SHBA-së dhe Rusisë dhe rritjen e nacionalizmit.

Related Articles

Leave a Reply

Your email address will not be published. Required fields are marked *

Shiko gjithashtu
Close
Back to top button