Ismail Kadare fiton çmimin “Jeruzalem 2015″

Shkrimtari i njohur shqiptar dhe ndërkombëtar, Ismail Kadare, ka fituar çmimin e Jeruzalemit për vitin 2015. Lajmi është bërë i ditur nga mediat izraelite.

Çmimi do t’i dorëzohet Kadaresë në hapje të Panairit Ndërkombëtar të Librit në Jeruzalem, nga Presidenti i Izraelit, Reuven Rivlin në datën 8 Shkurt 2015.

Librat e përkthyer në hebraisht të autorit janë “Gjenerali i ushtrisë së vdekur”, “Viti i mbrapshtë”, “I ngrirë në akull”, “Pasardhësi”, “Prilli i thyer”, “Piramida”, “Dasma” etj.

Ismail Kadare, anëtar i Legjionit francez tё Nderit, ka fituar disa çmime prestigjioze të letërsisë në botë, si  Man Booker International Prize, Britani, 2005, Princi Asturias në Spanjë, 2009, etj. Kadare prej vitesh është edhe kandidat i çmimit Nobel.