Justin Bieber dhe Lara Stone, fytyrat e Calvin Klein
Në fotot e para këngëtari shfaqet pa bluzë, duke pozuar me modelen holandeze, 31-vjeçaren Lara Stone.
Bieber është konfirmuar si imazhi i ri i Calvin Klein, pasi që do të jetë në krye të fushatave të shtëpisë së modës për xhinset dhe për koleksionimet tjera të “Calvin Klein”.
20-vjeçari është përzgjedhur si fytyra e re e këtij produkti me modelen Lara Stone.
Justin Bieber prej muajsh është stërvitur për të formuar ‘six pack’-un e famshëm dhe duket se gjithë lodhja do t’i shpërblehet. Në korrik Mail.online, citonte një burim: “Justini ka pozuar për kompaninë e Calvin Klein. Ne shpresojmë që rezultati i kësaj pune të shihet më vonë gjatë këtij viti”.
Justin i bashkohet kështu Brooke Shield dhe Mark Whalberg, të cilët kanë marrë pjesë në reklama provokuese për firmën e famshme në hapat e para të karrierës së tyre.
