Justin Theroux flet për martesën e tij me Jennifer Aniston
Justin Theroux më në fund ka folur hapur për jetën e tij pas martesës sekrete me Jennifer Aniston në fillim të këtij muaji. Aktori ka thënë për “People” se ndihet si një tjetër person pas martesës.
Theroux është shprehur për rolin e tij të ri si bashkëshort duke thënë: “Dukem krejtësisht ndryshe”. Por duket se po e shijon këtë status pasi është shprehur që është shumë i lumtur. “Ndihem mirë kur ul kokën dhe në gishtin tënd sheh një unazë martese”.
Theroux u martua me aktoren e famshme në vilën që ata ndajnë të dy në Los Angeles më 5 gusht. Dasma ishte një surprizë për të gjithë të ftuarit, pasi raportohet se ata janë ftuar për një festë të zakonshme. Vetëm pak ditë pas dasmës, të sapomartuarit i janë drejtuar Bora Bora-s për muajin e tye të mjaltit.
