Juventusi merr “Po”-në e Alisson, ofron kontratë 3-vjeçare për portierin brazilian

Pavarësisht penalltisë së pritur kundër Genoa, Di Gregorio do të largohet në fund të sezonit dhe në vend të tij Comolli synon numrin 1 të Brazilit.

Dhurata e parë për trajnerin Luciano Spalletti pritet të jetë për portën. Penalltia që Michele Di Gregorio priti kundër Genoa do të ndryshojë fundin e sezonit, por jo të ardhmen e tij. Te Juventusi ideja mbetet ajo për t’i sjellë skuadrës eksperiencë dhe “tituj” në të gjithë repartet, edhe në portë.

Dhe klubi bardhezi ka kaluar nga fjalët te faktet për Alisson Becker, 33-vjeçarin brazilian të Liverpool, që Spalletti e njeh nga koha e Romës. Kontaktet me njerëzit pranë portierit janë pozitive. Alisson u ka thënë parimisht “Po” drejtuesve të Juventusit dhe optimizmi për firmën është mjaft i madh.

Braziliani luan te Liverpool që nga 2018-a dhe pas 8 sezonesh në Angli intrigohet për një “kërcim” të fundit në Itali. Alisson ka fituar çdo trofe të mundshëm në Angli. Javët e fundit Liverpool ka shfrytëzuar opsionin e kontratës për zgjatjen e saj me 12 muaj, një lëvizje për të mos e humbur me parametra zero. Në të njëjtën kohë, anglezët kanë investuar jo pak për Giorgi Mamardashvili, pasardhësin e tij.

Juventusi ka në plane që t’i ofrojë brazilianit një kontratë 3-vjeçare, sigurisht me shifra më të ulëta se ato që ai përfiton në Premier League. Bisedimet vazhdojnë dhe “Po”-ja e parë është pozitive, por nuk mjafton për ta quajtur punë të kryer.

The post Juventusi merr “Po”-në e Alisson, ofron kontratë 3-vjeçare për portierin brazilian appeared first on RTSH.