Kërcënimet ndaj Trump, FBI fillon hetimet

FBI ka nisur hetimet për kërcënimet në drejtim të kandidatit republikan për President, Donald Trump. Lajmi është konfirmuar nga njëri prej ndihmësve të Trump.

Miliarderi ishte kërcënuar përmes Twitterit, nga një llogari me emrin e lordit të drogës, Joaquin Guzman, i njohur ndryshe si “El Chapo”, që u arratis ditë më parë nga burgu i sigurisë së lartë në Meksikë.

Donald Trump kishte bërë disa deklarata të cilat shkaktuan një debat në SHBA, ku tha se shumica prej emigrantëve meksikanë janë kriminelë, ndërsa pas arratisjes së “El Chapos”, Trump u shpreh se “zyrtarët e korruptuar meksikanë e lejuan të largohet”.

“Vazhdo të kruhesh (me ne) dhe do të bëj që t’i hash fjalët e tua, ti b******* i bardhë”, ka shkruar një llogari me emrin @ElChap0Guzman.