Kërcënohet Ballkani, Rusia zhvendos raketat në Serbi

Pas kërkesës së kryeministrit Vuciç, Rusia ka rënë dakord të dërgojë pajisjet luftarake në Serbi. Lajmi bëhet me dije nga britanikja “Daily Star” ku theksohet kërcënimi rus në Ballkan.

Ministri i jashtëm serb, njoftoi dje se Vladimir Putin do të rrisë fuqinë ushtarake të vendit, pas kërkesës së Serbisë.

“Ne i kemi kërkuar palës ruse të transferojë pajisje me raketa dhe disa lloje të tjera pajisjesh ushtarake, këtu në Serbi”, tha ministri i jashtëm serb, Ivica Daçiç.

‘Mesa duket Rusia po mendon që sistemet bërthamore të raketave “C-400” të zhvendosen në Serbi duke u transferuar nga Roma dhe Vjena.
BE-ja po shqyrton nga ana tjetër ta afrojë Serbinë me aleancën evropiane, pavarësisht se vendi nuk e fsheh lidhjet dhe aleancat me Rusinë”- thuhet në shkrimin e gazetës britanike.

“Daily Star” thekson më tej se NATO-ja u alarmua pasi Putin zhvendosi raketat bërthamore në Kaliningrad, një territor mes Polonisë dhe Lituanisë.