Kërkesa e Bashës për shkarkim, Dako: Sulm politik

Kreu i Bashkisë së Durrësit ka reaguar pas kërkesës së artikuluar nga kreu i PD-së, Lulzim Basha për shkarkim të tij.

Duke iu referuar Bashës si ish-kryebashkiaku i një partie që flinte në Bashki, Dako thotë se akuzat janë baltosje e emrit të tij nga PD.

Ai shton se Basha duhet ta dijë se këto janë procedura normale.

“Basha duhet ta dijë që kjo është një procedurë e zakonshme. Janë 36 persona që kanë përfituar referencë nga Bashkia, kemi marrëveshje me Shërbimin e Provës. Me deklaratën e sotme Basha pengon vetingun”, tha kryebashkiaku i Durrësit.

Dako i është përgjigjur dhe deklaratave të Blushit, që sipas tij hedh baltë për përfitime politike.