Kërkon shfuqizmin e masës “arrest me burg”, Kushtetuesja cakton datën e seancës për Veliajn

Gjykata Kushtetuese ka caktuar datën 20 maj për shqyrtimin e ankimimit të krybashkiakut të Tiranës, Erion Veliajt. Sipas medieve, Veliaj i është drejtuar Kushtetueses për të kërkuar heqjen e masës së “arrestit me burg”.

Më datën 9 mars, u mbajt seanca e parë në themel e procesit gjyqësor që përfshin kryebashkiakun e Tiranës, Erion Veliaj, bashkëshorten e tij Ajola Xoxa, dhe një grup prej 28 personash dhe kompanish të përfshira në të njëjtën çështje penale.

Sipas SPAK, ndaj Veliajt rendojnë 13 akuza, të tilla si korrupsion pasiv në 9 raste, pastrim parash, mosdeklarim pasurie, shpërdorim detyre dhe futja e sendeve në burg. Po ashtu për gjykim është dërguar edhe bashkëshortja e tij Ajola Xoxa.

Veliaj ndodhet në qeli prej më shumë se një viti. Ai u arrestua më 10 shkurt të vitit 2025.