Kievi: 4 000 ushtarë rusë në Krime janë grumbulluar pranë kufirit

Ushtria ukrainase theksoi sot se Rusia ka grumbulluar rreth 4 000 ushtarë që ndodhen në Krime, gadishull ukrainas i aneksuar nga Rusia, përgjat kufirit administrativ me Ukrainën.

“Sipas informacioneve që kemi, gati të gjitha njësitë ushtarake ruse të vendosura në pjesën veriore të Krimesë së pushtuar, rreth 4 000 ushtarë, janë grumbulluar në kufijtë administrativë me Ukrainën, bashkë me pajisjet dhe municionet e tyre”, deklaroi zëdhënësi ushtarak Andri Lyssenko.

“Këto njësi janë organizuar në grupe të vogla taktike përgjatë këtij kufiri administrativ rreth 100 kilometra të gjatë”, shtoi ai.

Kjo deklaratë vjen dy ditë pas shpalljes nga ministri rus i Mbrojtjes Serguei Choigou të një riorganizim të dispozitivit ushtarak të Rusisë në Krime i justifikuar në pjesën më të madhe me zgjerimin e distriktit ushtarak pas integrimit të Krimesë”