Kineasti iranian, Jafar Panahi fiton ”Ariun e Artë” të Berlinales për filmin ”Taxi”

”Ariu i Artë” për filmin më të mirë në edicionit e 65-të të Festivalit Ndërkombëtar të Berlinit iu dha dje për filmin “Taxi” kineastit iranian, disidentit Jafar Panahi.

Kronika e tij për shoqërinë iraniane, nëpërmjet lëvizjeve të një shoferi taksie, u duartrokit shumë në një festival i konsideruar si i ndjeshëm ndaj çështjeve politike.

“Kufizimet e detyrojnë shpesh treguesin të bëjë më mirë punën, por këto limite mund të jenë shpesh aq shtypëse sa dëmtojnë një projekt ose shkatërrojnë shpirtin e artistit”, deklaroi presidenti i jurisë së Festivalit Ndërkombëtar të Filmit në Berlin, regjisori amerikan, Darren Aronofsky.

“Në vend që të shkatërrojë shpresën e tij dhe ta braktisë, në vend që ta pushtojë nervozizmi  dhe zemërimi, Jafar Panahi ka shkruar një letër dashurie për kinemanë”, shtoi ai duke nënvizuar se filmi i tij ishte i mbushur me dashurinë që ka për artin e tij, për komunitetin, vendin dhe publikun e tij.

Juria dha gjithashtu dy ”Arinj të Argjentë” për regjisorin më të mirë. Një shkoi për rumunin, Radu Jude për filmin “Aferim”, dhe tjetri për polaken Malgorzata Szumowska për filmin “Body”.