Filmat konkurrues për Palmën e artë

Njëzet e një filma konkurrojnë për ”Palmën e artë” në Festivalin e 79-të të Filmit në Kanë, njoftoi sot drejtori i festivalit Thierry Fremaux.

Ata janë si më poshtë vijon:

• ”Amarga Navidad” – nga Pedro Almodovar
  Një shkrimtar përballet me krizën krijuese dhe rrezikun e humbjes në një proces autofiksacioni.
• ”Histoires Parallèles” – nga Asghar Farhadi
  Disa histori njerëzish në Paris ndërthuren, duke treguar jetë që kryqëzohen në mënyrë të paparashikueshme.
• ”La Vie d’une femme” – nga Charline Bourgeois-Tacquet
  Një kirurge e suksesshme përpiqet të ruajë lumturinë përballë sfidave personale.
• ”La Bola Negra” – nga Javier Calvo et Javier Ambrossi
  Një rrëfim historik gjatë luftës civile spanjolle që eksploron fatet e individëve në konflikt.
• ”Coward” – nga Lukas Dhont
  Një histori nga Lufta e Parë Botërore që fokusohet te frika, nderi dhe mbijetesa.
• ”L’Aventure rêvée” – nga Valeska Grisebach
  Një grua në një zonë kufitare përfshihet në një marrëveshje që ndryshon jetën e saj.
• ”Soudain” – nga Ryusuke Hamaguchi
  Një miqësi e pazakontë lind mes dy grave nga kultura të ndryshme.
• ”L’Inconnue” – nga Arthur Harari
  Një burrë zgjohet në trupin e një gruaje të panjohur dhe përballet me një identitet të ri.
• Garance – nga Jeanne Herry
  Një aktore e re lufton me varësinë nga alkooli dhe pasojat në jetën e saj.
• ”Sheep in the Box” – nga Hirokazu Kore-eda
  Një çift mirëpret një robot të avancuar, duke sfiduar kufijtë mes njerëzores dhe teknologjisë.
• ”Hope” – nga Na Hong-jin
  Një qytet portual përballet me ngjarje misterioze dhe kërcënuese.
• ”Quelques jours à Nagi” – nga Koji Fukada
  Dy persona të vetmuar takohen në Japoninë rurale dhe krijojnë një lidhje të brishtë.
• ”Gentle Monster” – nga Marie Kreutzer
  Një marrëdhënie çifti tronditet kur njëri zbulon një anë të errët dhe të frikshme.
• ”Notre salut” – nga Emmanuel Marre
  Jeta e përditshme nën regjimin e Vichy dhe dilemat morale të funksionarëve.
• ”Fjord” – nga Cristian Mungiu
  Konflikti mes dy familjeve shpërthen në një fshat të izoluar në Norvegji.
• ”Histoires de la nuit” – nga Léa Mysius
  Një histori misterioze dhe tensionuese mbi marrëdhëniet dhe sekretet njerëzore.
• ”Moulin” – nga Laszlo Nemes
  Biografia e një figure të rëndësishme të rezistencës franceze gjatë Luftës së Dytë Botërore.
• ”Fatherland” – nga Pawel Pawlikowski
  Një shkrimtar kthehet në Gjermani pas luftës dhe përballet me të kaluarën.
• ”The Man I Love” – nga Ira Sachs
  Një artist jeton fillimet e krizës së AIDS-it në Nju Jorkun e viteve ’80.
• ”El Ser Querido” – nga Rodrigo Sorogoyen
  Një regjisor përballet me marrëdhënien e ndërlikuar me vajzën e tij gjatë xhirimeve.
• ”Minotaure” – nga Andreï Zviaguintsev
  Lufta ndikon jetën e elitës ruse, duke zbuluar tensione dhe kontradikta të thella./ a.jor.