Klosi: Më 9 prill vendos anëtarësia

Blendi Klosi, nga një takim me strukturat e partisë në Berat, ka një tjetër kendvështrim nga deputeti Ben Blushi sa i takon referendumit për çështjen e kryetarit.

Ai thotë se më 9 prill dëshmohet se vendos anëtari i thjeshtë i partisë dhe ftoi për pjesëmarrje të gjithë anëtarësinë.

“Është dita e marrjes se mendimit të anëtarësisë së Partisë Socialiste. Në 25 vjetorin e partisë kemi objektivin të bëhemi 150 mijë anëtarë, anëtarë jo fiktivë, anëtarë aktivë në vendimarrjen e PS. Më 9 prill PS, si asnjë parti tjetër do dëshmojë se jemi partia ku vendos anëtari”, tha Klosi.

Ndër të tjera, Sekretari Organizativ i socialistëve solli në kujtesë gjithë proceset zgjedhore të partisë kohët e fundit.

“Vijmë nga një proces spektakolar i zgjedhjes së krerëve të organizatave, delegatëve të Kongresit dhe anëtarëve të Asamblesë. Ne kemi struktura te zgjedhura nga anëtari. Jemi gati të dëshmojmë në ditën e zgjedhjeve se kemi bërë reforma për qytetarët në Berat dhe gjithë Shqipërinë.