Koment: Banka Gjermane si çështje politike
Bankat e mëdha të Evropës vazhdojnë të jenë në gjendje krize. Përmirësimi i situatës nuk duket i afërt.
Ku kemi mbërritur?
Në fund të fundit, aktualisht nuk po përpiqet vetëm shefi i Deutsche Bank, John Cryan, por edhe qeveria gjermane që ta ulë një gjobë prej 14 miliardë dollarësh me të cilën kërcënojnë autoritetet e SHBA. Argumenti kryesor: një dënim i tillë do ta rrënonte bankën. Por kjo do të linte gjurmë të qarta edhe në SHBA. Në Gjermani ndërkohë shefat e sipërmarrjeve të mëdha janë të shqetësuar për gjendjen e Deutsche Bank dhe bëjnë deklarata verbale në mbështetje të bankës. Në rast ekstrem, thuhet, nuk do të jepet ndihmë vetëm me fjalë, por edhe me para.
Kujt i nevojitet Deutsche Bank?
Dobësimi i shumë ekonomive popullore në Evropë për shkak të krizës financiare, ka çuar edhe në politikën e interesave bankare zero të Bankës Qendrore Evropiane. Interesat e ulëta bankare mund ta kenë penguar nga njër anë kolapsin ekonomik. Nga ana tjetër kemi një shpronësim gjigand të vlerës së parave të kursyera. Dhe natyrisht që pa interesa bankare bankat nuk janë vërtet në gjendje të mbijetojnë. Por: ja që atyre u duhet edhe një model biznesi i sigurtë për të ardhmen. Në rastin e Deutsche Bank-ës ky model mungon.
Përsa i përket Deutsche Bank-ës, këtu nevojitet tani një lëvizje çliruese. Për shembull një shkëputje e degës së investimeve. Ose shitja e administrit të pasurive. Ose, ose, ose. Banka duhet të arrijë më në fund që të kalojë në ofensivë. Ajo duhet të zhvillojë një profil të ri. Kanë nisur shumë procese, por në një anije të tillë të madhe natyrisht që duhet të kalojë shumë kohë sa të ndihet efekti. Por këtë kohë banka nuk e ka më. Lëngimi duhet të marrë fund. Përndryshe mbetet vetëm çështja: kujt i duhet në fakt kjo Deutsche Bank?
