Komisariati Nr. 1 me zyrë të shërbimit unik, Tahiri: Përmirësimi për eleminimin e korrupsionit
Ministri Punëve të Brendshme, Saimir Tahiri inaguoi sot zyrën e shërbimit unik, në komisariatin numër 1, në Tiranë.
Tahiri gjatë fjalës së tij, vuri theksin tek eleminimi i korrupsionit.
“Sigurisht, shtoi ai, kjo është një zgjidhje definitive të shërbimeve cilësore që qeveria jep ndaj qytetarëve, siç i jep fund korrupsionit maksimal që ka qënë deri dje.
“Ky është një shembull mjaft i mirë për suksesin që mund të arrijmë , nëpërmjet bashkëpunimit me partnerët tanë dhe nëpërmjet partneritetit privat. Partneriteti publik privat siç është dhe ky rast jep fryte të shpejta dhe në kohë , për ta bërë jetën e qytetarëve shumë më të mirë, shërbimet që jep shteti ndaj qytetarëve shumë më cilësore dhe në kohë dhe mbi të gjitha pa korrupsion”, deklatoi ministri.
Ndërkaq, Tahiri shtoi se “ne jemi në krye të detyrës siç e shihni për të bërë në Policinë e Shtetit mjedisin e domosdoshëm ku qytetarët mund të vijnë me besimin që shqetësimi i tyre do të trajtohet në mënyrë të shpejtë e cilësore dhe pa korrupsion”.
Tahiri shtoi se “është në vëmëndjen tonë, respektimi i të drejtave dhe lirive themelore, qoftë dhe atyre që shkelin ligjin. Siç është në vëmëndjen tonë parësore hartimi i një plani strategjik lidhur me përmirsimin e kushteve të atyre që ndalohen në Policinë e Shtetit. Kemi filluar me zyrat e shërbimit me qytetarët sepse ju mar shëmbull Komisariatin numër një , ku ofrohen rreth 70 shërbime për afërsisht 100 qytetarë në ditë. Ndaj është parë më prioritare përmirësimi i shërbimit në mnëyrë thelbësore, eleminimi i korrupsionit”.
Për Tahirin, është e rëndësishme të krjohet një mjedis i domosdoshëm e pa korrupsion, gjë e cila do të arrihet nëpërmjet këtyre zyrave të shërbimit unik.
