Kompania e I-rë e FA niset në stërvitjen “Brilliant Jump” në Poloni
Një kontigjent i trupave të Forcës Tokësore do të jetë pjesë e stërvitjes “Brilliant Jump II” që do të zhvillohet në Poloni.
Ceremonia për nisjen e kompanisë I-rë e Batalionit të Dytë të këmbësorisë së Forcës Tokësore u zhvillua të shtunën në Zall-Herr.
Në ceremoninë e organizuar me këtë rast, merrnin pjesë zv/ministri i Mbrojtjes Petro Koçi, Shefi i Shtabit të Përgjithshëm të FA, gjeneralmajor Jeronim Bazo, si dhe ushtarakë të tjerë të lartë të FA.
Kolonel Ylli Pulaj tha se kjo stërvitje do të testojë aftësitë e dislokueshmërisë dhe operacionalitetit të Task-forces së Gatishmërisë Shumë të Lartë që vepron në kuadër të Forcës së Reagimit të shpejtë të NATO-s, pjesë e së cilës është edhe kompania e parë e batalionit të dytë të këmbësorisë së FT.
Zv/ministri i Mbrojtjes, Koçi, duke përshëndetur trupat e vlerësoi mome
ntin e sotëm si një ditë krenarie kombëtare. Gjithashtu, Koçi në fjalën e tij duke vlerësuar edhe stërvitjet e tjera ndërkombëtare në të cilat efektivat e b2k kanë qenë tepër të suksesshëm, shprehu besimin se edhe këtë radhë ata do të kthehen faqebardhë.
Forca Tokësore përfaqësohet në këtë stërvitje me kompaninë e I-rë në batalionit të dytë të këmbësorisë (k1b2k). Kjo kompani është një nga n/repartet më të përgatitura të b2k, kontigjenti i së cilës mban mbi shpatulla jo vetëm eskperiencën e stërvitjeve të panumërta brenda dhe jashtë vendit, por edhe eskperiencën e fituar në misione paqeruajtëse, kryesisht në Afganistan.
