Atalanta e Gjimshiti përballë Leverkusenit të Xhakës, është finale

Atalanta-Levekusen por edhe Gjimshiti përballë Granit Xhakës, është ky verdikti për finalen e Europa League, që do të luhet më 22 maj në “Dublin Arena”, në Irlandë. Atalanta arriti të eliminojë në gjysmëfinale Marsejën, ndërsa Leverkuseni eliminoi Romën.

ATALANTA-MARSEJË 3-0(4-1) – Pas barazimit 1-1 në Velodrom, në ndeshjen e kthimit të gjysmëfinales skuadra e Gasperinit mundi 3-0 Marsejën dhe arriti një rezultat historik, duke marrë biletën për aktin e fundit të turneut. Në Geëiss Stadium është skuadra zikaltër ajo që luan ndeshjen. Në pjesën e parë De Ketelaere dhe Scamacca goditën shtyllën dhe traversën, më pas Lookman (30′) zhbllokoi sfidën. Më pas në pjesën e dytë Ruggeri (52′) dyfishoi epërsinë me një goditje të fuqishme dhe në finale El Bilal Touré (95′) mbylli llogaritë.

LEVERKUSEN-ROMA 2-2(4-2) – Pas 0-2 në Olimpico, Roma ishte afër arritjes së një suksesi të madh, duke kaluar në epërsi 2-0 para finales 2-2. Pas një fillimi të ekuilibruar, vendasit marrin kontrollin, por pa arritur të finalizojnë si duhet. Në fund të pjesës së parë Tah rrëzoi Azmoun në zonë dhe Paredes nuk gaboi nga pika e bardhë(43′). Sërish argjentinasi me një penallti në minutën e 66-të ribalancoi çështjen e kualifikimit, por në minutën e 82-të Mancini shkaktoi autogol. Stanisic firmosi barazimin 2-2 në minutën e 97-të.