Konventa, Monika Kryemadhi: LSI forcë që kujdeset për njerëzit, i do dhe i mban afër ata

Konventa Zgjedhore e Lëvizjes Socialiste për Integrim (LSI) Tiranën po zhvillon punimet të shtunën në Pallatin e Kongreseve, në prani të mbi 2 mijë delegatëve. Forumi më i lartë i LSI-së, përmes votimit elektronik, pritet të zgjedhë strukturat drejtuese dhe kryetarin e ri të kësaj force politike, në kryeqytet.

Deputetja e kësaj force Monika Kryemadhi deklaroi se LSI është një forcë që kujdeset për njerëzit dhe që i mban afër ata.

“Shqipëria është europiane, shqiptarët janë europianë, por kemi nevojë për një politikë jo arrogante, politikë moderne dhe evropiane. LSI është një forcë që kujdeset për njerëzit, i do dhe i mban afer ata”, theksoi ajo.

Në fjalën e saj, ministrja e Integrimit, Klajda Gjosha, theksoi se LSI i njeh mirë problematikat e kryeqytetit dhe çdo ditë do të jetë krah qytetarëve, pasi Tirana ka nevojë për më shumë punësim, mirëqenie dhe arsimim. LSI, theksoi Gjosha, është e vetmja forcë politike ku interesat kombëtare janë mbi çdo axhendë, pasi kanë në themel frymën e dialogut dhe zgjidhjeve që i shërbejnë vendit.

LSI, vijoi ministrja e Integrimit, është faktor i stabilitetit të Shqipërisë, duke sjellë kulturën e re të politikbërjes. Gjosha theksoi se në zgjedhjet e 18 qershorit qytetarët me votë do dinë të bëjnë diferencën