KPA rrëzon kërkesat për rishikim, refuzohen 13 ish-gjyqtarë dhe prokurorë të shkarkuar nga vetingu

Kolegji i Posaçëm i Apelimit, ka refuzuar kërkesat e 13 gjyqtarëve dhe prokurorëve të shkarkuar nga detyra për rishikim të vendimeve të dhëna ndaj tyre nga KPA.

Vendimet janë marrë nga trupa të ndryshme gjykuese në dhomë këshillimi, ku është vendosur mospranimi i kërkesave për rihapjen e çështjeve të mëparshme, të lidhura me vendimet përfundimtare të vetingut.

Sipas njoftimeve zyrtare, kërkesat janë refuzuar pasi nuk plotësojnë kushtet ligjore të parashikuara në Kodin e Procedurës Civile për rishikim të vendimeve.

Mes personave që kanë kërkuar rishikim dhe u është refuzuar kërkesa janë: Alma Brati, Arben Dollapaj, Ardian Ylli, Artan Madani, Astrit Faqolli, Bernina Kondi, Bledar Abdullai, Dritan Peka, Dritan Rreshka, Elsion Sadiku, Entela Prifti, Gentian Trenova dhe Kastriot Gramshi.

Vendimet janë shpallur më 24 mars 2026 në Tiranë, duke lënë në fuqi përfundimisht shkarkimet e tyre nga sistemi i drejtësisë.