Kremlini: Nuk ka takim dypalësh Putin-Obama në mbledhjen e APEC-ut dhe G20-s

Asnjë takim dypqlësh mes presidentit rus Vladimir Putin dhe homologut të tij amerikan Barack Obama nuk është parashikuar gjatë mbledhjes se APEC-ut në Pekin, as në mbledhjen e G20-s në Brisbane (Australi) javën që vjen, deklaroi sot zëdhënësi i Kremlinit, Dmitri Peskov.

“Asnjë takim dypalësh nuk parashikohet për momentin”, njoftoi Peskov, i cituar nga agjencia “Ria Novosti”, duke theksuar se nuk i përjashton kontaktet informale mes dy krerëve.

“Gjatë mbledhjeve ndërkombëtare, krerët komunikojnë në një mënyrë apo një tjetër”, shtoi ai.

Në mes të tetorit, Putini akuzoi Barack Obamën se ka një sjellje jo miqësore kundrejt Rusisë, pasi presidenti amerikan e përmendi mes kërcënimeve kryesore botërore, gjatë një fjalimi para Asamblesë së Përgjithshme në Kombeve të Bashkuara, dhe situatën në Ukrainë ai e konsideroi si një agresion të Rusisë në Evropë.

Rusia është goditur nga sanksione ekonomike të paprecedenta nga Bashkimi Evropian dhe Uashingtoni që e akuzojnë se është implikuar në krizën në Ukrainë ku një konflikt i armatosur kundërve forcat e rregullta ushtarake dhe separatistët prorusë.

Mbledhja e përvitshme e forumit të Bashkëpunimit Ekonomik Azi-Paqësor (APEC) do të zhvillohet më 10 dhe 11 nëntor në Pekin, ndërkohë që mbledhja e G20-s parashikohet të zhvillohet në 15 dhe 16 nëntor në Brisbane.