Kryeministri Rama inspekton punimet në sheshin “Nënë Tereza”

Kryeministri Edi Rama inspektoi sot punimet që po kryen në sheshin “Nënë Tereza”, në kuadër të vizitës që Papa Françesku do të zhvillojë në 21 shtator në Shqipëri.

Menjëherë pas mbledhjes së Këshillit Kombëtar të Territorit, kreu i qeverisë ka ndjekur nga afër punimet për rikonstruksionin e këtij sheshi, ku do të mbahet Mesha e Shenjtë nga Papa Françesku.

Kryeministri Edi Rama inspektoi sot punimet ne sheshin “Nënë Tereza”. Foto Agim Dobi

Në këtë inspektim Kryeministri Rama ishte i shoqëruar edhe nga Ministrja e Kulturës, Mirela Kumbaro, drejtori i ALUIZNI-t, Artan Lame dhe këshilltari i Kryeministrit për kulturën, Artan Shkreli.

Kryeministri Rama inspekton punimet në sheshin “Nënë Tereza”. Foto Agim Dobi

Këshilli I Ministrave ka akorduar një fond prej 56 376 734 (pesëdhjetë e gjashtë milionë e treqind e shtatëdhjetë e gjashtë mijë e shtatëqind e tridhjetë e katër) lekësh, me qëllim mbulimin e shpenzimeve për pastrimin e fasadave të godinave rreth sheshit “Nënë Tereza”, prishjen dhe transportin e mbetjeve të ndërtimit.