Kryeministrja polake: Mbështesim Shqipërinë për në BE

Kryeministrja e Polonisë, Beata Szydło kërkoi që të hapen negociatat për Shqipërinë me BE.

Deklarata u bë gjatë konferencës për shtyp me kryeministrin Edi Rama.

“Polonia mbështet aspiratën e Shqipërisë për në BE. Besoj se KE ka vlerësuar ndryshimet e bërë nga qeveria dhe vendimi pozitiv që ka marrë është i kënaqshëm për ne. Mbështetem të Këshilli për të përshpejtuar procesin. Negociatat duhet të fillojnë. Polonia mbështet Shqipërinë në aspiratat e saj. Ne e perceptojmë këtë si një element të rëndësishëm. Nga ana jonë në gjithashtu deklarojmë vullnetin tonë për ta mbështetur Shqipërinë dhe jemi të gatshëm të ndajmë përvojat tona”, tha kryeministrja polake.

Nga ana e tij, kryeministri Rama nga ana e tij vlerësoi mbështetjen e Polonisë për ndihmën që ka dhënë për Shqipërinë në procesin integrues.

“Biseduam me homologen polake për progres-raportin pozitiv të KE-së. Ne do të vazhdojmë të bëjmë progres në 5 prioritetet e kërkuara”, deklaroi Rama, i cili shtoi se “kemi distancë të shkurtër mes nesh dhe kjo bën që të kemi mundësi të mëdha për forcimin e bashkëpunimit”.

Axhenda e qëndrimit të kryeministres polake në Tiranë përfshin një takim me Presidentin Bujar Nishani dhe pjesëmarrjen në një forum biznesi me kompani shqiptaro-polake.