Kryeprokurori Llalla: Reforma në drejtësi, përfshirje e të gjitha institucioneve

Prokurori i Përgjithshëm, Adriatik Llalla në fjlaën e tij gjatë Konferencës mbi Reformën e Gjyqësorit në Shqipëri, theksoi se reforma në drejtësi kërkon përfshirjen e të gjitha institucioneve.

“Reforma në drejtësi është një moment kyç për forcimin e shtetit ligjor në Shqipëri, e cila duhet të realizohet me pjesëmarrjen e të gjithë aktorëve”, tha Kryeprokurori Llalla.

“Për prokurorinë, reforma do të thotë pavarësi e institucioneve ligjzbatuese. Në këndvështrimin e prokurorisë reforma në sistemin e drejtësisë duhet të shoqërohet me ndryshimet e nevojshme në ligje”, tha Lalla.

Prokuroria, vijoi Lalla ka paraqitur disa propozime për përmirësimin e kuadrit ligjor në këtë drejtim. Gjithashtu shtoi Kryeprokurori Lalla, “Prokuroria synon përmirësimin e disa aspekteve teknike të cilat ndikojnë drejtpërdrejt në efektivitetin e punës tonë.

“Sot jemi këtu për të deklaruar me përgjegjshmëri se reformën në drejtësi duhet ta realizojmë të gjithë së bashku”, deklaroi prokurori i përgjithshëm.

Gjithashtu Prokurori i Përgjithshëm theksoi se, “reforma në drejtësi duhet të shoqërohet me reformën proceduriale. Takimi sotëm është forma duhur për të shprehur interesin për reformën në drejtësi”.