Kush është njeriu që kreu mbi 100 telefonata me Berishën për CEZ-in?
Eksperti ligjor i OSHEE-së, Romeo Karaj, njeriu që ka administruar me mijëra dokumente të procesit të privatizimit të kompanisë dha një dëshmi të fortë në emisionin “Exclusive”, në kanalin TCH.
Ai tregon mbi një sekser kosovar të lidhur me kompaninë çeke që ishte në kontakt me qeverinë përpara privatizimit.
“Materiali që kam tregon qartë fotografi te tij me ministrin Ruli. Ka shumë të dhëna të sakta deri te numri i niptit të shoqërisë. Nuel Kalaj në 2006 ka telefonuar mbi 100 herë ish-kryeministrin Berisha. Kjo mund të konfirmohet nga institucionet apo strukturat”, shprehet Romeo Karaj.
Në dëshmi hidhet drite mbi mënyrën se si u negociua kontrata me CEZ, dëmi nga çmimi i shitjes së energjisë mes kompanive të energjisë, rolin e ERE-s dhe si u dëmtua Shqipëria në Arbitrazh.
