Kuvendi shqyrton marrëveshjet me BERZH-in për zhvillimin e financave publike

Kuvendi diskutoi të enjten në seancë plenare dy marrëveshjet e huasë ndërmjet Republikës së Shqipërisë dhe Bankës Ndërkombëtare për Rindërtim dhe Zhvillim për zhvillimin e financave publike dhe për modernizimin e sektorit financiar.
Qëllimi i akordimit të këtyre huave është mbështetja e reformave nën asistencën e mbikëqyrjen e BERZH-it, Bankës Botërore, të Fondit Ndërkombëtar, për përmirësimin dhe qëndrueshmërinë fiskale të Shqipërisë nëpërmjet fuqizimit të menaxhimit të financave publike, prioritet ky për rritjen e ekonomike afatmesme dhe afatgjatë.
Nëpërmjet politikave të mbështetura nga këto hua do të mbështeten reformat, që do të kontribuojnë në reduktimin e varfërisë dhe mirëqenies së përbashkët duke siguruar një bazë për një stabilitet makro-ekonomik dhe fiskal, i cili është një kusht i domosdoshëm për një model të qëndrueshëm të rritjes. Destinacioni i fondeve është buxheti. Ne total huaja llogaritet 220 milione dollarë dhe këto fonde futen në buxhet dhe secila prej kredive mbështet financat, mbështet ekonominë, mbështet sektorin bankar dhe financiar