“Kyçet” dogana e Kapshticës

Pika e kalimit kufitar të Kapshticës në Korçë është sërish e bllokuar gjatë ditës së sotme. “Kyçja” e dogës ka nisur në orën 11:00 dhe do të vazhdojë deri në orën 13:00.

Shkak është protesta e fermerëve grekë përtej kufirit, të cilët bllokojnë akset rrugore. Kjo e pamundëson kalimin dhe për këtë arsye bllokohet edhe dogana. Ditët e fundit kanë ndodhur shpesh bllokime të tilla nga pala greke.