“Lamtumirë” dashuri, në Paris

I vetëshpallur qyteti i dashurisë, më në fund vendosi se ka pak si shumë dashuri. Mijëra “love-locks” (kyçe çelësash që vendoseshin nga të dashuruarit) në murin prej teli në pedonalen e Pont des Arts në Paris, do të hiqen të hënën.

Ndërsa kyçet e tjerë të lyer edhe me inicialet e të dashuruarve në urat e tjera mbi Senë do të hiqen më vonë.

Pasi ka hezituar për vite me radhë, qyteti i Parisit vendosi të heqë këto çelësa dhe do të vendosë pjesë xhami për të parandaluar rikthimin e tyre.

“Ky fenomen na sjell dy probleme: degradim të trashëgimisë së Parisit, dhe një rrezik për sigurinë e vizitorëve, parizienëve dhe turistëve”, tha një zëdhënës i bashkisë së qytetit.

Muri prej teli në Pont des Arts, mes kopshtit Tuileries dhe Musee d’Orsay, u rrëzua në qershorin e kaluar për shkak të peshës së kyçëve.

Që nga 2008, ajo u bë një traditë për çiftet për të deklaruar dashurinë e tyre duke vendosu inicialet në një kyç, dhe çelësat ti hidhnin në lumë. Kjo çmenduri nisi në Itali dhe u shpërnda gjithëandej, duke pushtuar gjithë urat e Senës. Dy të rinj amerikanë që jetojnë në Paris nisën marsin e vitit të kaluar një peticion, ku bënin thirrje për heqjen e këtyre çelësave pasi ishin të shëmtuar dhe mund të dëmtonin urat.