Lejuan makinën me drogë të kalojë kufirin, arrestohen dy policë në Kapshticë

Dy punonjës të Policisë në Pikën Kufitare të Kapshticës janë arrestuar nga SHÇBA, pasi akuzohen për “shpërdorim detyre’. Në pranga kanë përfunduar Robert Demiraj me detyrë kontrollor në vijën e dytë dhe Mihallaq Necofski me detyrë shoqërues qeni. Sipas njoftimit të policisë, dy punonjësit nuk kanë kontrolluar një mjet që kaloi kufirin, ndërsa policia greke gjatë kontrollit konstatoi në karrocerinë e mjetit 60 kilogram kanabis.

Njoftimi:
Shërbimi për Çështjet e Brendshme dhe Ankesave (SHÇBA) Korçë, arrestuan 2 punonjësit e Policisë në Pikën Kufitare të Kapshticës, Robert Demirajn me detyrë kontrollor në vijën e dytë dhe Mihallaq Necofski me detyrë shoqërues qeni.
Arrestimi i tyre është bërë për veprën penale të “Shpërdorimit të detyrës”, pasi duke qenë me shërbim nuk kanë kontrolluar dhe kapur një automjet me drogë, i cili u bllokua nga Policia greke.
Në automjetin që drejtohej nga shtetasi R.H. 24 vjeç dhe pasagjer L.S. 32 vjeç, pas kontrollit policia greke konstatoi në karrocerinë e mjetit 60 kilogram kanabis.
Materialet i kaluan Prokurorisë së Rrethit Gjyqësor Korçë për veprime të mëtejshme.