Lëvizja e Selës do të nis negociatat për bashkëveprim me RDK

Kryesia qendrore e Lëvizjes së njohur për Reforma brenda PDSH-së në mbledhjen e saj të zhvilluar mbrëmë ka vendosur që të nis negociatat për unifikim me partitë e tjera opozitare, sidomos siç thuhet me RDK.

“Kryesia qendrore obligoi kryetarin Ziadin Sela që të formojë Komisionin për nisjen e negociatave me Rilindjen Demokratike Kombëtare. Njëkohësisht në bisedime për unifikimin e faktorit politik opozitar do të përfshihen edhe të gjitha iniciativat tjera”, thuhet në komunikatën e kësaj lëvizje politike.

Kryesia qendrore e Lëvizjes për Reformat ë PDSH-së ka diskutuar gjithashtu edhe mbi gjendjen aktuale politike në Maqedoni, krizën politike e institucionale në vend që domosdoshmërishtë do rezultojë me deligjitimimin e plotë të përfaqësuesve aktual qeveritar. Mbi bazën e kësaj Lëvizja, pas ristrukturimit të plotë të saj, do të ndërmerr edhe hapa konkret për fuqizimin e faktorit opozitar.

Gjithashtu është zgjedhur edhe ekipi për marrëdhënie me publikun që do të drejtohet nga Faton Murseli-komunikolog, ndërsa dy zëdhënësit e partisë u zgjodhën Elmir Sejfullahu dhe Azra Sallai.