Ligji për Forcat e Armatosura javën e ardhshme në Qeveri

Ministri i Forcës së Sigurisë së Kosovës, Haki Demolli, ka deklaruar në Kuvend se javën e ardhshme pritet të shkojë për miratim në Qeverinë e Kosovës ligji për Forcat e Armatosura të Kosovës, për t’u proceduar më tej në Kuvend.

Ai ka kujtuar se para aprovimit të draftligjit për transformimin e FSK-së në Forca të Armatosura të Kosovës, Kuvendi duhet të votojë ndryshimin e amendamenteve kushtetuese.

Demolli, duke iu përgjigjur pyetjeve të deputetit të AAK-së, Rrustem Berisha, ka thënë se procesi i transformimit do të zhvillohet në tri faza dhe është në pajtim me procedurat e sektorit të sigurisë.