Ligji për Ministrinë e Drejtësisë, Vasili: Nuk mund të bëhemi postë
Ligji për Ministrinë e Drejtësisë ka shkaktuar debate te komisioni i Ligjeve mes ministrit Petrit Vasili dhe anëtarëve.
Vasili ka kërkuar të rregullohet roli i Inspektoratit të Lartë të drejtësisë me ministrin.
Petrit Vasili është shprehur se ministria e Drejtësisë nuk mund të bëhet postë për të marrë ankesat dhe përcjellë me pas Inspektorit të Lartë të Drejtësisë.
“Duhet ti filtrojë më parë se rrezikohet kaos. Kur bëhen ndryshime mos mendoni për emrin e ministrit që është sot, por institucionin në të ardhmen. Nuk kemi kërkuar kontroll të dyfishtë, as në periudhën tranzitore dhe as më pas“, u shpreh Vasili.
Ndërsa Pandeli Majko u shpreh se “po krijojmë institucione kushtetuese. Nuk mund të largojmë ministrin direkt nga kompetencat e saj. Të lëmë një periudhë të ndërmjetme që do të ndihmojë. Inspektoriatin e Lartë të Drejtësisë.
Periudhe tranzitore që të kenë kompetenca të përbashkëta kontrolli”.
Kryetari i Komisionit të Ligjeve, Xhafaj tha se “ne po bëjmë ndryshime që lidhen me reformën. Sado dëshirë të mirë të kemi, duhet të zbatojmë kornizat kushtetuese
Ndryshimet kushtetuese të 2008 çbalancuan pushtetet. Nuk duhet të minimizojmë rolin e ekzekutivit me reformën e re. Brenda kufijve kushtetues ministria duhet të ketë rol aktiv e kompetenca”.
