Lojtarët francezë të frikësuar nga Shqipëria

Të mërkurën Shqipëria do të zhvillojë ndeshjen e dytë në Euro 2016 dhe këtë herë do të jetë përballë organizatorëve të Francës. Një ndeshje mjaft e vështirë për kuqezinjtë, të cilët u mposhtën në takimin e parë 1-0 nga Zvicra, ndërsa francezët arritën të fitojnë 2-1 ndaj Rumanisë.
Dy ditë para këtij takimi mjaft të rëndësishëm për të dyja kombëtaret, dy lojtarët francezë Blaise Matuidi dhe Moussa Sissoko kanë folur për sfidën duke e cilësuar atë si vendimtare për kombëtaren e tyre dhe mjaft delikate.
Matuidi, lojtari i PSG, rikujtoi edhe dy ndeshjet në grup që Franca luajti ndaj Shqipërisë, duke thënë se Shqipëria duhet marrë seriozisht.
“Ne jemi Franca dhe gjithmonë luftojmë për vendin e parë në grup. Por është gjithashtu e vërtetë që duhet t’i marrim ndeshjet një nga e një dhe për momentin vëmendja jonë është vetëm të Shqipëria. Ata na kanë hapur shumë probleme në dy sfidat miqësore që kemi zhvilluar ndaj tyre”, u shpreh Matuidi.
Lojtari 29 vjeçar vlerësoi Shqipërinë në goditjet standarde duke thënë se është një skuadër e rrezikshme.
“Duhet të tregohemi të vëmendshëm sepse shqiptarët janë shumë të rrezikshëm sidomos kur bëhet fjalë për goditjet standarde. Për ne mbi të gjitha është ndeshja ndaj Shqipërisë, pastaj do të mendojmë për Zvicrën. Për tu renditur të parët në grup duhet të fitojmë të Mërkurën në Marseille”.
Ndërkohë mesfushori i Neëcastle United, Moussa Sissoko u shpreh se Franca ka mësuar nga gabimet e së kaluarës në ndeshjet ndaj Shqipërisë dhe këtë herë do të përpiqet, të mos ketë të njëjtin fat kur të përballet me kuqezinjtë e Gianni De Biasit.