Luftime të përgjakshme mes kurdëve dhe ISIS-it në Ain al-Arab

Luftime të përgjakshme kundërvenë xhihadistët e Shtetit Islamik (ISIS) dhe forcat kurde në dyert e Ain al-Arab, qytet sirian kufitar me Turqinë që kurdët po e mbrojnë fuqishëm, raporton Vëzhguesi Sirian i të Drejtave të Njeriut (OSDH).

Ekstremistët e ISIS-it janë vetëm tre kilometra në lindje të këtij qyteti kurd në Siri, sipas të njëjtëts OJQ, që bazohet në një rrjet të gjerë informacioni civil, mjekësor dhe ushtarak.

“Ndonëse më të paktë në numër dhe në armatime, luftëtarët kurdë refuzojnë të tërhiqen dhe po mbrojnë fuqishëm qytetin e tyre përballë xhihadistëve të ISIS-it. Për ta bëhet fjalë për një çështje jetë a vdekje”, theksoi Rami Abdel Rahmane, drejtori i OSDH-së.

Qindra luftëtarë kurdë përballen me mijëra luftëtarë xhihadistë, që për më tepër janë të pajisur me tanke, artileri të rëndë dhe raket hedhëse të shumfishta të madhësisë 220 milimetra.

Sulmi xhihadist ndaj këti qyteti shkaktoi një eksod masiv të popullsisë, ku të paktën 160 mijë persona kanë kaluar kufirin për t’u strehuar në Turqi që prej mesit të shtetorit.

Milicitë e Partisë së Punonjësve Kurdë (PKK), në Turqi, kanë marrë rrugëm për t’iu bashkuar vëllezërve të tyre sirianë që jan nën një rethim që zgjat disa ditë