Rama: Ku ndryshon çadra jonë me çadrën e opozitës sot
Kryeministri Edi Rama duke folur nga foltorja e Parlamentit bëri një krahasim dhe me grevën e urisë në çadrën e ngritur para kryeministrisë në 2010 nga socialistët dhe çadrën e ngritur tani në shkurt 2017 para kryeministrisë.
“Ne kërkonim tavolinë. Jo për të marrë pushtetin në tavolinë. Ne kërkonim tavolinë vetëm për të hetuar një proces zgjedhor ku ne kishim të gjitha arsyet e jo pak fakte të besonim se ishte një proces i korruptuar dhe na refuzohej tavolina. Ne protestën e mbyllëm kur u ulëm në tavolinë. Ne na refuzohej kur u ulë në tavolinë. Sot këto janë përralla. Sot mjafton një kërkesë e një konkurrenti për të hapur gjithë kutitë e Shqipërisë dhe i hap ato. Ne s’kërkonim pushtetin.
Pse çadra lidhet me vettingun? Procedurat nisin javën e ardhshme në këtë parlament dhe protesta mund të vazhdonte normalisht. Asgjë nuk e pengonte, madje do ta ndihmonte sepse në këtë foltore do të ishte duke folur Saliu me orë të tëra. Si ka mundësi që të heqin dorë pikërisht tani sepse nuk duan vettingun. Ata e thonë dhe nuk e mohojnë. E thonë shprehimisht se vettingun do ta bëjnë ata. Nuk ka 2 vettingje, 3 apo 5 vettingje. Kjo është e qartë”, tha Rama.
Rama .Eshte gabimi tend qe shqiperia eshte e percare.Pastrimin etnik te shqipetareve nuk e bere nga hajduteria dhe kriminelet.Hajdutet mbrojne hajdutet ne tirane
Te dyja cadra hajdutesh