Parlamenti i Malit të Zi miratoi rezolutën për gjenocidin në Srebrenicë. Për miratimin e rezolutës 55 deputetë votuan pro, 19 ishin kundër dhe 7 abstenuan. Rezoluta u mbështet nga opozita DPS, SDP, SD, LP, BS dhe partitë shqiptare, ndërsa nga partitë e shumicës rezolutën e mbështetën demokratët, URA dhe Branka Boshnjak nga PzP.
Rezoluta, ndër të tjera, nënkupton që parlamenti dënon dhe pranon se në Srebrenicë ka ndodhur gjenocid dhe se më shumë se 8 000 boshnjakë myslimanë u vranë.
Teksti i rezolutës parashikon gjithashtu që 11 korriku do të shpallet Dita e Përkujtimit për Viktimat e Srebrenicës.
Ervin Ibrahimoviç, udhëheqësi i Partisë Boshnjake, i cili ishte një nga propozuesit e rezolutës, falënderoi të gjithë ata që ndihmuan në përpilimin e një teksti cilësor të rezolutës.
“Besoj se sot kemi dërguar një sinjal të qartë nga kjo Dhomë e Përfaqësuesve, se Mali i Zi është qendra e demokracisë në rajon”, tha Ibrahimoviç.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.