Manjani: Pajisja e përgjimit? Të pritet rezultati i hetimit

Në lidhje me të përfolurën pajisje përgjimi, ministri i Drejtësisë, Ylli Manjani kërkoi që të kihet durim dhe të pritet rezultati i hetimit të prokurorisë.

“Ka një hetim për këtë çështje. Të kemi durim dhe të dalin përfundimet e të dali e vërteta nëse ka një pajisje të tillë. Besoj tek rezultatet e hetimit nga prokuroria, ka një hetim për këtë dhe duhet të kemi durim. Të gjitha të tjerat janë spekulim që nuk e ndihmojnë këtë çështje”, deklaroi Manjani.

Ministri tha se askush nuk duhet t’i trembet hetimit për këtë çështje dhe u bëri thirrje prokurorëve që të hetojnë deri në fund.

“Nga hetimi nuk duhet të ketë frikë askush. Ka përfunduar koha kur qeveria nuk respekton vendimet e prokurorëve. Prokuroria të kryejë verifikimet dhe të marrë në dorëzim dokumentacionin për pajisjen dhe jo të presë letër-përgjigjie sepse në të tilla raste…”, u shpreh ai.

Sa i takon rastit të Klement Balilit, ministri tha se nuk ka asnjë informacion nëse ndaj tij ka një urdhër-arrest ndërkombëtar apo jo.