Mas përjashton referendumin për pavarësi

Presidenti katalanas, Artur Mas përjashtoi zhvillimin e një referendumi për pavarësinë, i parashikuar për t’u mbajtur më 9 nëntor për shkak të mungesës së garancive ligjore, ndërkohë që u ka propozuar partive të frontit indipendentist për të gjetur një alternativë tjetër për njohjen e opinionit të katalanasve për të ardhmen politike të rajonit.

Ky vendim ndjek pezullimin që Gjykata Kushtetuese e Spanjës i bëri referendumit për pavarësinë nga ana e Katalonjës.

Në përfundim të një takimi të stërzgjatur, që zgjati 8-9 orë, liderët e frontit indipendentist nuk ranë dakord për të organizuar këtë proces alternativ pjesëmarrjeje.

Mas do të zhvillojë sot një konferencë shtypi ku do të njoftojë planet e ardhshme, ndërkohë që fronti indipendentist duket shumë i përçarë. a.jor.