Matthew Perry flet mbi varësinë e tij

Matthew Perry është përfolur gjatë mbi luftën e tij me ilaçet dhe varësinë ndaj alkoolit. Tani, ai flet për mbështetjen e Phoenix House, një qendër rehabilitimi në Kaliforni.

“Mund të kesh probleme me drogën për 30 vjet dhe pastaj pret t’i zgjidhësh për 28 ditë. Phoenix House… Unë isha shumë i ndikuar nga shpresa që pashë aty, dhe për këtë bëhet fjalë. Të jesh esëll është vërtetë një gjë e vështirë”, tha Perry, në një video të publikuar nga Hoollywood Reporter.

46-vjeçari Perry fillimisht kërkoi ndihmë profesionale në vitin 1997, kur ishte ende pjesë e “Friends”. Më pas ai u rehabilitua dhe dy herë të tjera.